KONNEM SODDLAM ?
Jinn mon’xachi mhonnlear ek zalli
Okosmat jinnentlem sukh zata khali
Lotton, dhanvon jinnent ieta vaitt palli
Torui astana chantt marta fuddli
Amche jinnecho rong tor veg-vegllo
Konn zanna? Jinnent kedna marit varo koslo !
Cholon-cholon toktam torui haves vhoddlo
Chint’tam uzvadda adim tanddunk porvot zoitacho
Jinneche sat somdir khol sagorant
Sogllem buchkollta, vadoll hunvarant
Vegim-vegim toddir pavonk opekxa monant
Punn! Upai na revoddlam vorixtt lharant
Auchit xantikaichea molleant oddchonnek sampoddle
Haroun, hanga-thoim sukhak sodhunk dhanvle
Churchure Devan aikon soglleank mukti kele
Punn kiteak upkarlem! Soglle motlobi zolmole
Soglleank amkam axea ap-suvarthachi
Jivit voir-khala zata ieun jinnent sukti-bhorti
Kednai ponn, iad kelea fattlea jivitachi ?
Sogllem visron gelem rat kobar zatoch moujechi
Koxttan zaitem komailem, punn tem khoim asa?
Kitlem-i sukh bhoglem torui astana xanti na
Harlole jinnent chint’tam jieun anik kosloch faido na
Punn, torui astana jieunchem konnem soddlam ?
Mariano Lucas Diniz
(V-Ixtt - hea Konkani sattoleacher xhaploli hi kovita)
Mars 3, 2006
http://www.goa-world.com/GOA/music/live.htm
No comments:
Post a Comment