“SANJ”
Donpar zalo surya portolo
Khor vota prokas, amurpiko zalo
Hollu, hollu, suriya doriant denvlo
Xant, nilleam mollbar chondrim nixelo.
Zum zum tond, zemkuream variant
Olxem aplem xelem, ang lipoit
Vaream nettan zadda haloit, doloit
Sanj etam khallo, khallok korit.
Tillsan zalim suknni, goteran gelim
Chorva, gorva, gotteant pavlim
Kam sorlem kamdara, ghara gelim
Gorant divem pettlem sanj zalim
Kavlleam xalla, suttlim kanvllem rodlem kanv
Bhurgeanim khell sodun ghara marlim dhanv
Xant, vatavoronan borlo soglo ganv.
Aimorem vell igorjent ghantt vazlim ttanv
Hirveam, xetant, xellav varo suttlo
Porsu ximpun xetkari ghara ailo
Kharvi doriant nuste, pagunk laglo
Budto, amurko, suriya polleun lok daduslo.
Sanjechi aimori sogleanim rozar kelim
Gorant avoi taktiken jevonn randunk laglim
Toddeani bolkavancher apli boska madlim
Ata sanj zali, suri zalio bolkanvchio gozalim.
- Mariano Lucas Diniz
Subscribe to:
Post Comments (Atom)
No comments:
Post a Comment