Konkani Kovita:
"PAVSSA DISSANIM"
Jum jumit varo marta khallokhim ratinim,
Bhailean pavss podtat goss goxeanim.
” khazulea, danvot yeo” ulo marlo bhurgeanim,
Uzvadd tuzo ghal sogleam ghara, gharanim.
Bhebe, rodtat udkan, vholla, vhollanim,
Khiddem, gurgunttem, danvtat apleam gholinim,
Suknnim, pissollim, udtat zhollam, mhollanim,
Makod, udkeo martat maddam, zhaddanim.
Udik bhorlam sogleam charuim vattanim,
Angonn, goch’ch fuglam udkam, gogeanim.
Khol doriya, gazoitam orixtt lahranim,
Mollob khallem zalem pavssa kupanim.
Hunvran doriya nustem, chodta xetam, bhandanim,
Toddem chuleo, geun nustem dipkaitat nhoyinim,
Bhurgem khonge, punzaitat bhonvon xetam, kunngeanim
Pavssan soglem dongor bhorlem hirveam khomreanim.
Pavsachem diss bhurgem, khelltat mila god’deanim.
Sanjer soglem okupad khollonk tablanim,
Bizle tar, tuton bizlim nam gharanim,
Angonnatuleam zaddak divem pettoileat khazuleanim.
Ponnsa bhiknna, khaju biyeo bhaztat ghor gharanim,
Pavss zodon xanti posorleam vatta, vattaranim,
Xet, kamot, rovunk suru kelem xetkareanim,
Sogleanchem jivak vegllich daduskaim pavssa dissanim.
- Mariano Lucas Diniz.
Subscribe to:
Post Comments (Atom)
No comments:
Post a Comment